We are different with
      the same base.

ប្រវត្តិរូបសង្ខេប

លោកស្រី តែ អៃគាង គឺជាប្រធានទីប្រឹក្សាធុរកិច្ចរបស់យើង និងមានបទពិសោធន៍ ១៧ឆ្នាំ ក្នុងផ្នែកផលិតផលប្រើប្រាស់ និងបទពិសោធន៍ ៦ឆ្នាំ គ្រប់គ្រងលើអាជីវកម្មផ្ទាល់ខ្លួន។ ជំនាញរបស់លោកស្រីក្នុងវិស័យពាណិជ្ជកម្មគឺការគ្រប់គ្រងរមណីយដ្ឋាន និងធ្វើតេស្ត និងការត្រួតពិនិត្យ ផលិតផលប្រើប្រាស់។       

បទពិសោធន៍​ការងារ

ជាមួយនឹងសញ្ញាបត្រផ្នែកគ្រប់គ្រងផ្នែកលក់ និងទីផ្សារ លោកស្រី តែ អៃគាង បានធ្វើការនៅក្រុមហ៊ុនធ្វើតេស្ត អធិការកិច្ច និងវិញ្ញាបនប័ត្រអន្តរជាតិអស់រយៈពេលប្រហែល ១០ ឆ្នាំ ដោយលោកស្រីធ្វើការធ្វើតេស្ត និងអធិការកិច្ច លើផលិតផលប្រើប្រាស់របស់ក្រុមហ៊ុនក្នុងស្រុក និងអន្តរជាតិជាច្រើន។ បន្ទាប់មកលោកស្រីបានធ្វើការផ្លាស់ប្តូរដ៏លំបាកមួយគឺការដំណើរការរមណីយដ្ឋានមួយនៅលើកោះរ៉ុងសន្លឹមក្នុងនាមជាម្ចាស់អាជីវកម្ម ដែលជាកោះដ៏ស្រស់ស្អាតនៃប្រទេសកម្ពុជាដែលមានទីតាំងនៅនៅក្រុងព្រះសីហនុ។

លោកស្រី តែ អៃគាង គឺជាភ្នាក់ងារអចលនវត្ថុវិជ្ជាជីវៈម្នាក់ដែលត្រូវបានទទួលស្គាល់ដោយសាកលវិទ្យាល័យសេដ្ឋកិច្ច និងហិរញ្ញវត្ថុ និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។ លោកស្រីក៏ជាបុគ្គលដែលត្រូវបានទទួលស្គាល់គុណវុឌ្ឍិក្នុងវិស័យបរធនបាលកិច្ច ទទួលស្គាល់ដោយនិយ័តករបរធនបាលកិច្ច។ 

បទពិសោធន៍យូរអង្វែងក្នុងវិស័យពាណិជ្ជកម្មរបស់លោកស្រី តែ អៃគាង បានធ្វើឲ្យលោកស្រីមានទំនាក់ទំនងយ៉ាងទូលាយក្នុងចំណោមអ្នកជំនួញ និងផ្តល់ឲ្យលោកស្រីនូវការយល់ដឹងអំពីបរិយាកាសធុរកិច្ចជាក់ស្តែងនៅក្នុងប្រទេសកម្ពុជា។